Kuch qurilmasi turi
Maksimal quvvat
Elektr quvvatida yurish zaxirasi
Umumiy yurish zaxirasi
* Dileringiz bilan ranglarning mavjudligini tekshiring
Chevrolet Equinox PHEV ACTIV Chevrolet SUV’lariga xos taniqli xarakter va brendning zamonaviy dizayn tilini o‘zida uyg‘unlashtiradi. 4 653 × 1 902 × 1 728 mm o‘lchamdagi keng kuzov, 2 730 mm g‘ildirak bazasi, bo‘rtma kapot, kuzov yon qismlaridagi ifodali chiziqlar va o‘ziga xos to‘rtburchak g‘ildirak arkalari ishonchli va dinamik qiyofani shakllantiradi.
ACTIV versiyasi model xarakterini o‘ziga xos shildiklar, 19 dyuymli yengil qotishmali disklar va 235/55 R19 o‘lchamdagi All-season shinalar bilan yanada ta’kidlaydi. LED optika, radiator panjarasining faol jalyuzilari va tomdagi reylinglar ifodali dizaynni kundalik yo‘nalishlar hamda shahar tashqarisidagi safarlar uchun amaliylik bilan uyg‘unlashtiradi.
Ochish imkoniyatiga ega panoramali lyuk salonni yanada yorug‘ qiladi, ACTIV’ga xos elementlar esa Equinox tashqi ko‘rinishini yanada ifodali qiladi. Radiator panjarasining faol jalyuzilari aerodinamikani yaxshilashga yordam beradi, shu bilan birga avtomobil old qismining zamonaviy va yaxlit dizaynini saqlab qoladi.
Equinox PHEV ACTIV komplektatsiyaga qarab 17 yoki 24 kVt·soat sig‘imli litiy-temir-fosfat batareyasi bilan taklif etiladi. WLTC sikli bo‘yicha elektr quvvatida yurish zaxirasi Activ 80KM uchun 80 km gacha, Activ 120KM uchun esa 120 km gacha yetadi.
ACTIV o‘rindiqlari eko-charm va sun’iy zamsh kombinatsiyasi bilan qoplangan bo‘lib, kontrastli ikki rangli choklar va kashtalar bilan to‘ldirilgan. Keng kuzov va ikkinchi qatordagi tekis pol yo‘lovchilar uchun ko‘proq joy yaratadi, 648 litr hajmdagi bagaj bo‘limi esa ikkinchi qator o‘rindiqlari yig‘ilganda 1 619 litrgacha kengayadi.
Har ikkala old o‘rindiqning elektr sozlamalari, haydovchi o‘rindig‘i sozlamalari xotirasi, to‘rt yo‘nalishda sozlanuvchanli bel tayanchi, old o‘rindiqlarni isitish va ventilyatsiya qilish funksiyalari o‘tirish holatini o‘zingizga moslab sozlashga yordam beradi. ANC faol shovqinni kamaytirish tizimi yo‘l shovqinini pasaytiradi, rul yonidagi uzatmalar selektori esa markaziy konsolda qulay saqlash uchun ko‘proq joy bo‘shatadi.
Salonda buyumlarni saqlash uchun 25 ta bo‘lim ko‘zda tutilgan - keng tirsak tayanchidan tortib katta stakan ushlagichlarigacha. Shu tariqa kerakli mayda buyumlar doimo qo‘l ostida bo‘ladi.
Equinox PHEV ACTIV L2 darajasidagi haydovchiga yordam beruvchi texnologiyalar majmuasi va faol xavfsizlik tizimlari bilan jihozlangan. 360° atrofni ko‘rish kameralari, old va orqa parkovka datchiklari, APA yarim avtomatik parkovka tizimi, adaptiv kruiz-nazorat, avtomatik favqulodda tormozlash, ko‘rinmas zonalarni nazorat qilish, harakatlanish qatorida ushlab turish va markazlashtirish tizimlari shaharda, trassada va manevrlar vaqtida haydovchiga yordam beradi.
Pardalar bilan jihozlangan oltita xavfsizlik yostiqchasi, ABS, EBD, BA, TCS va ESP, yo‘l belgilarini aniqlash, shinalardagi bosimni nazorat qilish va boshqa tizimlar faol hamda passiv himoya majmuasini to‘ldiradi..
Oyoq harakati bilan kontaktsiz ochiladigan va ochilish balandligini eslab qolish funksiyasiga ega bagaj eshigining elektr yuritmasi qo‘llar band bo‘lganida yuklashni yanada qulay qiladi. iKey raqamli kaliti avtomobilga kirish uchun smartfondan foydalanish imkonini beradi, 3,3 kVt quvvatli V2L tashqi elektr ta’minoti funksiyasi esa sayohatlar va shahar tashqarisidagi dam olish vaqtida tashqi elektr qurilmalarini ulash imkonini beradi.
Turli harakatlanish sharoitlari uchun Sport, Eco va Normal rejimlari mavjud.
2000 × 970 nuqta aniqlikdagi 11 + 11,3 dyuymli qo‘shaloq displey Qualcomm Snapdragon 8155 protsessori asosida ishlaydi. Tizim simsiz Apple CarPlay, 5G aloqa, OTA yangilanishlari va smartfonni simsiz quvvatlashni qo‘llab-quvvatlaydi.
Ovozli yordamchi ikkita ovoz zonasini taniydi hamda multimedia, navigatsiya, telefon, iqlim nazorati, oynalar va lyukni ovoz orqali boshqarish imkonini beradi. Nutqni uzluksiz aniqlash funksiyasi alohida faollashtirish buyrug‘isiz ishlaydi.
Plug-in gibrid PHEV tizimi P1+P3 sxemasi asosida qurilgan bo‘lib, 1,5 litrli turbo benzin dvigatel, elektromotor va ikki bosqichli DHT gibrid transmissiyasini birlashtiradi. Tizim yo‘l sharoitiga qarab ketma-ket va parallel ishlash sxemalari o‘rtasida avtomatik ravishda almashadi.
Kuch qurilmasining umumiy quvvati 272 kVt (369 ot kuchi), aylanish momenti esa 565 N·m ni tashkil etadi. 100 km/soat tezlikka chiqish 7,0 soniya vaqt oladi, maksimal tezlik - 180 km/soat.
Equinox PHEV ACTIV komplektatsiyaga qarab 17 yoki 24 kVt·soat sig‘imli litiy-temir-fosfat batareyasi bilan taklif etiladi. WLTC sikli bo‘yicha elektr quvvatida yurish zaxirasi Activ 80KM uchun 80 km gacha, Activ 120KM uchun esa 120 km gacha yetadi.
Batareya to‘liq quvvatlangan va yonilg‘i baki to‘liq bo‘lganida umumiy yurish zaxirasi 1 000 km dan oshadi. WLTC sikli bo‘yicha yonilg‘i sarfi 1,03 l/100 km, batareya quvvati tugagan holatda esa 6,13 l/100 km ni tashkil etadi.
| EQUINOX PHEV ACTIV 80KM | EQUINOX PHEV ACTIV 120KM | |
|---|---|---|
| Boshlanish narxi | 463 500 000 so‘m | 478 500 000 so‘m |
| XAVFSIZLIK | ||
| QULAYLIK | ||
| MULTIMEDIA | ||
| EKSTERYER | ||
